Bakit nga ba?

kaninang umaga, habang nakasakay ako sa FX at pauwi...nag-iisip ako ng mailalagay sa blog ko. bigla nalang pumasok sa isip ko ang mga tagalog movies. at kaninang pag-uwi ko...palabas sa channel 2 ang "Humanap Ka ng Panget" ni Andrew E...

napansin ko lang, bakit nga ba sa lahat ng tagalog movies na comedy...

• may leading lady ang bida
• may side-kick siya
• 'di mawawala ang drama scene
• may action scene din
• at higit sa lahat...laging may out-of-town trip o outing sa beach na may kasamang musical

tapos sa action naman...

• lagi ring may leading lady ang bida
• may comedy rin
• may drama
• yung isang malapit na tao sa bida, parati nalang namamatay
• tapos pag nabaril at naghihingalo na...nakukuha pa ring magdrama
• laging nasa kamay ng bida yung taong malapit sa kanya habang namamatay
• tapos pag nalagutan na ng hininga...biglang sisigaw yung bida
• pagdating sa pinaka-fight scene, karaniwang mag-isa lang yung bidang sumusugod sa hide-out ng mga kalaban na parating nasa lumang factory
• nakakaya ng bidang itumba yung lahat ng mga "frontmen" ng kalaban--take note: nang walang tama, ni isang daplis man lang ng bala sa kanya
• pag naubos na niya lahat ng mga tauhan (na akala niya), kakalabanin na niya yung pinaka-kalaban talaga niya
• magbabarilan sila at mag-iilagan hanggang sa maubusan ng bala habang sinasabi ng bida yung pamatay niyang linya (na kasama ang pamagat ng pelikula), o kaya naman...
• magbubuntalan hanggang sa matanggal yung baril sa pagkaka-hawak nung isa
• tapos biglang makakakuha yung bida ng baril at babarilin ang kalaban
• sa bandang huli, saka lang darating ang mga les-pu (hello?! tapos na ang laban)...pero himala dahil may nadadaklot pa silang mga kalaban na buhay pa pala.

sa drama naman...

• laging nababanggit ang pamagat ng pelikula sa isa sa mga linya ng bida
• may isang scene na kulang nalang bumaha ng luha
• masasabi ko lang...tanga at masyadong martir ang bida

haynaku...sumasakit ang ulo ko kakaisip! o cia, manonood muna ako ng "Got to believe". :)