Si Ako at Si Manong Driver

Just had one of my memorable conversations w/ strangers...

Manong (taxi) Driver [MD]: tinanggihan kayo nung isang taxi?
me: oho. trafic daw po papuntang Cainta eh. ala una nang umaga, trafic?!
MD: baka nango-ngontrata. kanina nga tinanggihan ko rin yung isang lalaki bago sa inyo eh. naka-jacket tapos dun umupo sa likod. eh malakas ang kutob ko. di ko na sinakay. mahirap talaga mag-taxi. may ibang pasahero ako, sasakay ng disoras ng gabi, tapos magtatanong kung na-holdap na ba ako. ano ba naman klaseng tanong yun diba?

makalaunan...

ako: LPG ba 'tong taxi niyo manong?
MD: oo. mas malaki kasi ang natitipid ko kumpara sa gasolina. dapat pag ganito wala ka ring bisyo.
ako: dahil nga naman delikado noh? magyoyosi ka tapos pag may singaw yung tangke mo, yari ka.
MD: andaming taxi driver na puro bisyo lang rin inaatupag. pagkagarahe, anjan na yung mga bisyo nila--sigarilyo, babae. andaming nagsasakay sa taxi nila. sasabihin nung babae, makikisabay lang daw.
ako: tapos ano ho yun, di na magbabayad?
MD: hindi na magbabayad. tapos ayun na, pinapagawa nalang dun sa driver yung gustong gawin, P300 na lang ang bayad.
ako: hanep yun ah! ikaw pa magbabayad...naki-sakay na nga sayo.
MD: sa hirap ng buhay ngayon, importante na sa akin ang P300. iuwi mo nalang sa pamilya mo pambili ng masarap na pagkain.

tama nga naman si manong. saludo ako sa inyo!